قائمة المدونات الإلكترونية

بحث هذه المدونة الإلكترونية

Movies

  • ther 's more
  • nemo
  • shrek
  • the number23
  • beauty & the breafcase
  • proposal
  • beautiful mind
  • ever..after
  • my name is khan
  • pathology
  • Shtter island

الثلاثاء، 8 يونيو 2010

على شفا جرف هار ....

الحمد لله
الحمد لله

فعلا كنت على شفا جرف هار ...

شفت الموت بعينى
يعنى كانت مغامرة
واقصد هنا انى بكتب ولسة عايشة مع انى كنت هموت إمبارح
مش عارفة إيه الى حصل ولا حصل إزاى

كل الى على لسانى دلوقتى
مفيش غير

"الحمد لله "
" الحمد لله "

اصل مفيش غيرها ...

كان مغامرة واكيد اتعلمت منها ...

الحمد لله

الخميس، 3 يونيو 2010

قوس قزح...!!!

  • بعد يوم كامل مع قوس قزح

    لأول مرة أعرف أن للألوان أفكار ...

    كنت اشعر بها فقط
    نعم أشعر بالألوان
    وأعلم أنها احاسيس فقط

    منذ يومين
    شاهدت فيلم
    "أميــر الظلام "
    واستمعت لوصفه للألوان عندما كان يحدّث أصدقائــه
    فالأبيض = فرح
    الأحمر= غضب
    الأزرق =نقاء
    الأصفر= غيــرة
    الأخضر= طبيعة وجمال
    الفوشيا= بهجــة
    وحتى إنه لم يصف الأكاجــــو
    عندما سئل عنه


    ولكن فى وصف أحمد خالد توفيق هنا للألوان وأفكارها
    والقصص المرتبطة بكل لون
    وقفت ووقفت
    عجبتنى جدا
    رؤيــــة جديدة للألوان

    استمعت :))
    نعم ليست مادية... إلى حد قوس قزح الذى عرفتـــه

    قوس قزح ......


    أحمد خالد توفيق

    أكتر من مبدع

السبت، 29 مايو 2010

هو ده الطبيعى ولا ايه بالظبط ؟


بعد يوم كان فيه مغامرة عمرى ما توقعتها

هههههههه

الواحد برضو بيحصل له حاجات ...!!!

المهم ..
هو سؤال برىء كدة
هيا أصلا الكتابة لازم تصحى الجزء الكئيب جوانا ..؟؟
عادى آه

هعمل كنترول...
بس هو ده فعلا الطبيعى ..؟

الله المستعان

الأربعاء، 26 مايو 2010

هكذا كان حاله....!!


أصحو بعد يوم متقطع لأواجه يوم جديد

كنت سعيدة وقت إستيقاظى
ولكن وقفت فى الشرفة إذا بالهواء يقول لى لا تكونى كذلك
فأنا على الأقل لست كذلك
أنا اليوم محمل بالأتربـــــة التى أكرهها ويكرهها أنتى وغيرك
لم أجد جوابا
فقط تأثرت بما يحمله من همومه وهموم غيره
مسكين هذا الهواء
ولم أفعل شىء
سوى أن أغلقت باب شرفتى الزجاجى ونظرت من ورائه أتأمل
" كيف سيكون هذا الهواء طيلة اليوم "
كان الله فى العون


وكان هذا حال الهواء .....!!!!



أتمنى أن يكون يومى أفضل منه

أبتعد ...لأجد الطريق



الابتعاد هو ما يحدث الآن لى
أبتعد عن كل ما حولى
او بعضهم ولكىن أبتعد
لا أهم إلى ما يحدث
ولا أرد على اتصالاتى ولا أجيب الرسائل
بل وحتى أهملها وأهمل ما تحمله من كلمات ومشاعر

أبتعد عن المناقشات والمفاوضات المختلفة مع من حولى
أريد أن أصفى ما بداخلى
تعبت من الضغوط الكثيرة ممن حولى
مع إختلافات رؤياهم ووجهات نظرهم وإعتقاداتهم بأنفسهم
منهم من لا يرى غير نفسه
ومنهم من يلحون
ومنهو ومنهم الكثير والكثير


أتمنى أن أرانى شخص جديد فى أقرب وقت
وفعلا أحتاج إلى السلام الداخلى مع نفسى
.......................

وليد طاهر ..!!

وليد طاهر ...

الحد ده انا مش كنت اعرفه الا من كام يوم
بس فعلا استمتعت جداااااا

بالحاجات الى بيكتبها فى كتاب حبة هوااااا

يااااااااه
بجد بيعمل كاريكتير حلو اوى

حبة هوا ...;)

والله يعلم وانتم لا تعلمون

تفتكروا جواز الصالونات دى حاجة كويسة
اه هتكلم النهاردة عنه
بس دى جزء من كل
اه
ماهى حاجة بتحصل فى حياتنا من مليون حاجة حوالينا
اه الموضوع فى دماغى
ومش مقتنعة بغيره
مع انه روتينى بحت
بس .....

اه انا عارفة ان ده الطبيعى والى مفروض يحصل

بس من تجارب الى حواليا
حاسة لا عرفت ان الموضوع ده فاشل جداااا


اه ده حد كويس ومستوى وبيحبنى ,.....
بس انا مش حاسة باى حاجة خالص


سمعت من اصحابى قبل كدة
اه ...من اول ما شفته وقلت هو ده
بتحصل كام فى المية الحكاية دى
الكيميا والكهربا دى

مين عارف

محتارة ..وحاسة ان فى حاجات كتير بتحصل ومحدش عارف بتحصل ليه
بس كل الى عارفاه ان كل حاجة بتحصل لسبب

واجى هنا وافتكر الآية
قال تعالى " والله يعلم وأنتم لا تعلمون "

سبحان الله
احنا ولا حاجة فعلا
ربنا يهدينا للخير وللصح
يارب ارزقنا الفهم

عاوزة أكتب وخلاص ...محمود درويش

ما انا قلتلكم عندى
Typing Mania
المهم
والى نسيت اقوله لكم
انى كتبت ورقة داامى كدة وعاهدت نفسى انى هكتب كل يوم
هدخل على المدونة هنا واكتب الى بيحصل
اه
هعملها يومياتى
كنت الاول بكتب خواطر كدة وكنت بذاكر شعر والله
بس الالهام راح شوية مع الشغل والضغط الى الواحد فيه

كمان ... لغاية ما الوحى يجى
هكتب يوميات
النهاردة لغاية دلوقتى برضو ..
يعتبر من احلى ايامى
لان عمرى وحياتى معايا
ومتفهموش غلط
دى ماما
بجد كانت حاجة مش متوقعة
خصوصا انى بعدي عنها عشان الشغل وكدة
بس الكيميا الى بينا محدش يقدر يفرقها من البشر

ياااااااااه
الله على كدة
وتسلم يا " محمود درويش "
عرفت انت كنت كدة ازاى
وبجد عمرى ما نسيت لما قال
"أعشق عمرى لأنى إذا مت أخجل من دمع أمى "

كمان افتكرت دى
لما اتفرجت على فيلم الف مبروك
الفيلم حلو اوى وقصته تحفة بجد
وكانت دى نهاية طبيعية لان احمد حلمى فى الفيلم كان انانى اوى وعرف انه مش هيتغير فعمل كدة
بس الى صعب اوى ان ده كان ادام والدته ..

لو كان سمع الى قاله محمود درويش ...
اعتقد كان فكر مليون مرة وبرضو مكانش هيعمل كدة

يلا خير

اسيبكم دلوقتى بقى
هكون مع ماما شوية
:)

الثلاثاء، 25 مايو 2010

ضغط الحياة العملية .اتعاملت معاه ازاى ؟

امممم
عاجبنى اوى النهاردة
عملت حاجة جديدة
مبسوطة انى بكتب هنا
عملت المدونة عشان اكتب لنفسى واهو حاجة جوايا بطلعها
المهم
يومى الجميل بعد كام يوم شغل محترمين كدة
كنت خلاص روحى بقت فى منخيرى

امبارح منمتش من كتر التفكير والضغط والقلق وكل المشاعر السلبية دى

لقيتنى النهاردة لبست وقلت انزل اشترى حاجة
................


ثوانى تليفون
اكلم ماما واجى اكمل
:)
جيت أنا
ولقيت نفسى نزلت وركبت مواصلات مع ان املحل جنبنا
بس لقيتنى بقول اروح مول أحسن واتسوق
اشوف ناس وحاجات جديدة
اى حاجة
وبما انى عاوزة اجيب كاميرا ديجيتال وبلاك بيرى
روحت سألت لقيت اسعارهم كويسة والله
وعرفت ده مميزاتهم وفيه حاجة احسن وايه الاوحش وكدة
وبرضو دورت على كتب
شفت سلسلة كتب لحد اسمه ياسر منجى
بس لما جيت دورت عالنت ملقيتش حاجة عنه
هدور تانى
عشان مشترتش الكتب
وكمان اشتريت شوية حاجات كدة بناتى
لزوم الروقان
شوية من نفسى
ولما رجعت كلمت ماما وقلتلها كان يومى ازاى

يااااااااه
مرتاحة نفسيا عن امبارح كتيييييييييير
الحمد لله

كنت متأكدة ان أكيد بكرة أحلى
:)

ويمكن ده السبب كمان الى خلانى اعمل المدونة دى ودلوقتى واالنهاردة
ده طبعا غير ان انا عندى typing Mania
:|
اوعوا حد يفتن